BÊY  TE  BÊKESIM
Mehmet Aydoğdu

Mehmet Aydoğdu

Aydoğdu Şiir köşesi

BÊY  TE  BÊKESIM

14 Haziran 2018 - 23:30

BÊY  TE  BÊKESIM

Çawa dikim nakim bîra min narî
Were rindê were bêy te bêkesim
Tujî zanî rindê ji minre yarî
Were rindê were bêy te bêkesim 

Min fam nekir çima li min ha dikî
Ber çavê min delal tu pirr rindikî
Bo çi  carê li min tu mêze nakî
Were rindê were bêy te bêkesim 

Bi şev û roj sewa te ez digrîme
Ji bo evîna te tî û birçîme
Welatê xûrbê ez wenda bûme
Were rindê were bêy te bêkesim 

Ber çavê min tu wek lokiz fenera
Rind pir şêrîne wek fêkiyên dara
Şitla zirav bo min digre henara
Were rindê were bêy te bêkesim 

Ma qey evîna min têra te nake 
Carê were hêstirên min tu pake
Dilê minê rezîl bes bi xwe şake
Were rindê were bêy te bêkesim 

Dilê min bo te dîsa kale kale
Derdê evîna te pir kûr dinale
Were binêr carê vaya çi hale 
Were rindê were bêy te bêkesim 

Te bi xwere îro ez bêkes kirim 
Agir bi min ketî qet venamirim
Ji derdê te rindê ezê bimirim
Were rindê were bêy te bêkesim 

Min nizabû evîn viqas bihaye 
Mirina bi saxî ev çi sewdaye
Keçê sewa te jiyanam wendaye
Were rindê were bêy te bêkesim 

Ji derdan digrî Seyday Curnêreşe
Min fam nekir delal vaya çi îşe
Dil û cîgera min sewa te dêşe
Were rindê were bêy te bêkesim.

Mehmet AYDOĞDU
14.06.2018 - 19:45 / Pêncşemî
Köln / Almanya

YORUMLAR

  • 0 Yorum
Henüz Yorum Eklenmemiştir.İlk yorum yapan siz olun..

Son Yazılar