ÇIMA TU DIGRÎ
Mehmet Aydoğdu

Mehmet Aydoğdu

Aydoğdu Şiir köşesi

ÇIMA TU DIGRÎ

30 Ocak 2020 - 06:56

ÇIMA TU DIGRÎ

Çima tu digrî roniya çavan
Berva nin were bavêje gavan
Bo xatirê te ez bûme şivan
Bese de were te gula sêvan

Çima tu digrî şevû roja min
Eva çi hale bejn dirêja min
Bo çi dixwînî te dilpêja min
Wek kewa gozel te dengbêja min

Çima tu digrî xezala kedî
Ji dûrî temam wele bê xwedî
Wexta ku ez têm tu rû badidî
Bi hevre nedî tew/qet kêf û şadî

Çima tu digrî sebra dilê min
Bêy te çê nabe kula dilê min
Bala xwe nadî barê milê min
Ma qey nabînî rindê halê min

Çima tu digrî şêr şepala min
Halê min nema sênca gula min
Nizam çi bêjim xweş delala min
Bo çi tu nayê kar xezala min

Çima tu digrî xezala kûvî
Min çi kiriye ji min direvî
Ji bo min heyvî tim çarde şevî
Mebê sewa çi tu ranakevî

Çima tu digrî xezala çav reş
Te har û dîn kir Seyday Curnêreş
Li ber sekratê giranî nexweş 
Carekê ev dil te nekire geş. 

Mehmet AYDOĞDU 
30.01.2020 – 00:29
Pêncşemî 
Köln / Almanya

YORUMLAR

  • 0 Yorum
Henüz Yorum Eklenmemiştir.İlk yorum yapan siz olun..

Son Yazılar