Mehmet Aydoğdu

Mehmet Aydoğdu

Aydoğdu Şiir köşesi

EZ BANG DIKIM     TU NABÎZÎ

10 Şubat 2020 - 00:39

EZ BANG DIKIM
    TU NABÎZÎ

Ez bang dikim tu nabîzî
Min nizabû ku tu dizî
Li zalimê gawir bavê
Çima te dilê min dizî

Ez bang dikim tu li kûyî
Ber çavên min wenda bûyî
Te ar bi bedena min xist
Terikandim kuda çûyî

Bêy te nizam kuda herim
Bi roj û şev te digerim
Seran serê dinyê geryam
Tu der neman lê bigerim

Ez bang dikim tu tuneyî
Tu cuhûyî an fileyî
Dilê minre tu biharbûy
Min nizabû tu çileyî

Ez bang dikim nav cîhanê
Kanê delala min kanê
Nizam çima li min ha kir
Te zalima bê îmanê
Lê zalimê bê îmanê

Ez bang dikim refê rinda
Delala min bûye wenda
Wele ezê li vir herim
Nasekinim îro şinda

Bang dike Seyday Curnêreş
Min wenda kirye gula geş
Ez şaş bûme kuda herim
Dest yara wek gula bi neqş.

Mehmet AYDOĞDU 
09.07.2018 - 01:26
Duşemî
Köln / Almanya

YORUMLAR

  • 0 Yorum