EZ PIR KETIM Û RABÛM
Mehmet Aydoğdu

Mehmet Aydoğdu

Aydoğdu Şiir köşesi

EZ PIR KETIM Û RABÛM

13 Haziran 2018 - 12:52

EZ PIR KETIM Û RABÛM

Bê hiş mam min wendakir rêya malan
Ne dostan nas dikim ne jî hevalan 
Kesên min got dostin ez kirim talan
Baldarbe bira tu mekeve halan 

Ne lazimin dostên roja hebûnê
Ez pir ketim û rabûm li vê dinê

Bila tu kes li me neke nifira 
Kî şemitî ew şewitiye bira 
Bila li ser me venemire çira 
Xwedê jiyana kesî neke xira

Ne lazimin dostên roja hebûnê
Ez pir ketim û rabûm li vê dinê

Wexta hebe dost jî heval jî pirin 
Li dor meran qefle qefle difirin 
Tu dibêy niva tu çav min nabirin 
Tu bikevî li paş xwe kes nanêrin

Ne lazimin dostên roja hebûnê
Ez pir ketim û rabûm li vê dinê

Baldarbe bira qurban tu mekeve
Bila aqlê te li nav hev nekeve 
Dostên xwerinê wê tev dûr bireve 
Dinya ronik carêde dube şeve

Ne lazimin dostên roja hebûnê
Ez pir ketim û rabûm li vê dinê

Her der dibe mij dûman ewr û tave
Dinya li serê mirovan tê heve 
Ji bo wî dinya tariye tim şeve
Xew heram dibe nikare ranakeve 

Ne lazimin dostên roja hebûnê
Ez pir ketim û rabûm li vê dinê

Dostên rast tu caran terka te nakin 
Heta karibin wê barê te rakin 
Ji bo te wê canê xwe feda bikin 
Tu jî zanî dostên baş pir hindikin 

Ne lazimin dostên roja hebûnê
Ez pir ketim û rabûm li vê dinê

Bo we dibê Seydayê Curnêreşe 
Xwedê tu kesî li hev neke şaşe 
Dibêjin filankes pirî nexweşe 
Dinya ronik carêde bûye reşe 

Ne lazimin dostên roja hebûnê
Ez pir ketim û rabûm li vê dinê

Mehmet AYDĞDU
12.06.2018 - 16:55 / Sêşemî
Köln / Almanya

YORUMLAR

  • 0 Yorum
Henüz Yorum Eklenmemiştir.İlk yorum yapan siz olun..

Son Yazılar