MALA YARÊ
Mehmet Aydoğdu

Mehmet Aydoğdu

Aydoğdu Şiir köşesi

MALA YARÊ

10 Şubat 2020 - 00:20

MALA YARÊ

Mala me li malan wêda
Mala yarê di kortêda
Yên ku mala wê nas nakin
Dara gûzê di hewşêda

Mala yarê mehla jêre
Dilê min daye ber kêre
Çavên xwe çavên xezalan
Dilên xwe şepal û şêre

Mala yarê paşya malan
Bi dû ketim ez bi salan
Ji eşq û mereqa yarê
Wele ketime nav halan

Mala yarê bi kevire
Dora mala wan kepire
Dev û lêvên yara delal
Ji min re hingiv şekire

Mala yarê li cilmanê
Li serê rêya Hîlwanê
Xwedê mirazê me bikra
Meha dawya zivistanê

Mala yarê sere jêre
Dilê min daye ber kêre
Heta mirinêl cem wêbim
Wele li wê nabim têre

Mala yarê li ber darê
Li ser darê were xarê
Ramîsanekê bide min
Ji bona Xwedêbe yarê

Mala yarê kevrê reşe
Bejna yarê neqş bi neqşe
Seyda hatîl Curnêreşe
Bo xatirê çavên reşe.

Mehmet AYDOĞDU 
22.03.2018 – 21:25
Pêncşemî 
Köln / Almanya

YORUMLAR

  • 0 Yorum
Henüz Yorum Eklenmemiştir.İlk yorum yapan siz olun..

Son Yazılar