TE EZ DÎN KIRIM
Mehmet Aydoğdu

Mehmet Aydoğdu

Aydoğdu Şiir köşesi

TE EZ DÎN KIRIM

05 Aralık 2018 - 15:10

TE EZ DÎN KIRIM

Ez ney dînbûm te ez dîn kirim
Bi derdên xwe bê mal kirim
Ma qey ew jî ne besbû rindê 
Li rû erdê ez wenda kirim

Ez dîn kirim û berdam sûka
Te nadim bi keçan û bûka 
Wele ez har û dîn kirime 
Gerdanê mircan û morîka

Har û dînê evîna teme 
Dilê min tije kul û xeme 
Were binêre li halê min 
Hêstirê min tên weke çeme

Te ez dîn kirim berdam çola
Ji derdên te ez ketim hala
Delalê qurban ez şaş bûme 
Çawa derxim lê êşa sala

Tu were binêr halê dîna
Dilê minde derba qurşîna
Bi destên xweyên kibar delal
Were dermanke tu birîna

Êşa salan ez çawa derxim 
Ji dilê zengarîre çerxim 
Delala min li ber lingên te
Ji bona qurbanê ez berxim

Seydayê Curnêreşî dîne
Rindê were min mexwapîne 
Her ku çavêm li te dikeve
Nava dilê min dişewtîne.

Mehmet AYDOĞDU
04.12.2018 - 23:40
Sêşemî 
Köln / ALMANYA

YORUMLAR

  • 0 Yorum
Henüz Yorum Eklenmemiştir.İlk yorum yapan siz olun..

Son Yazılar